أعرف حقك وأحمي روحك
خليك ديما فايت الناس بخطوة عن طريق انك تعمل استشارة قانونية محترفة تربحك اي وضعية تدخل فيها
حضرتلك فيديو!
نعرف فاش قاعد تحس
زعمة يا قانونجي؟
..يمشي فيبالك الي وضعيتك معقدة موش كيما الوضعيات الاخرين
ولا صعيب ياسر تاخو حقك، والحكاية أكيد تاخو برشا وقت ومجهود ولا حتى راك تقول فماش قانون في البلاد.
ماكش وحدك تخمم هكا !
تقريبا الي يجيوني كل يخممو هكا ماللول.. اما الحقيقة؟
!القانون بسيط برشا
والحلول ديما موجودة، وفما الف طريقة نعملوها مع بعضنا بش ما نخليو حتى مجال انو يتدخلو الاكتاف ضدنا
وكون متأكد الي نقدر وقتك ومجهودك وبش نحاول ديما نختصر عليك الثنية.
لا تقلق
كيما ديما عمري لا خليتك تحس الي لازمك تكون من “النخبة متاع القانون” بش تعرف حقك وتعرف تدافع عليه
وهاني اليوم نحكي معاك بلغتنا من غير عبارات منمقة وبلاغة وكلام صعيب.
علاش؟ خاطرك عندك الحق تعرف حقك وانا هنا بش نعاونك وديما معاك
نحبك تمّن الي بش تاخو حقك، موش بش يضحك عليك حد، ولا تُظلم، ولا تخلي شكون يُظلمك
وانا وفريقي موش بش نخليو حد يظلمك .. وديما لا تقلق!
أشرف والي (القانونجي)-
صانع محتوى ومستشار قانوني
علاش تعمل عنا احنا استشارة؟
خوك القانونجي معاك
● عندي تقريبا 4 سنين ملي وليت مستشار قانوني وبديت نعمل في محتوى.
ملايين المشاهدات ومانيش نبالغ كي نقول مئات الاف الميساجات بخلاف الناس الي توقفني بش تسئلني في الشارع.
● شفت الاف المشاكل القانونية وكيفاش تتحل واناهو اكثر حل أثبت انو ناجح ويربحك وقت ومجهود وخاصة فلوس.
● واليوم نحط خبرتي كل على ذمتك ونشرف على استشارتك ونتأكد الي بش توصل للي تحب عليه ونكون انا وفريقي صريحين معاك وعند ثقتك الي ما تتشراش بالفلوي بالنسبة ليا.
↩ ماناش بش نعملو استشارة، احنا بش نحطو اليد في اليد بش ناخذو حقنا باسهل واحسن طريقة.
استشارة في 24 ساعة كأقصى حد!
● أغلب المشاكل يكون من الأحسن والأسهل حلهم على بكري. وخاطرني عندي هدف واضح ولي هو نوصلك لحقك بأحسن طريقة ممكنة بش نوصل للهدف هذا ما لازمنيش نضيعلك حتى وقت.
● هذكا علاش خدمت انا وفريقي على نظام صارم يخلينا نعديولك استشارتك في ظرف أقصاه 24 ساعة.
علاش قلت “أقصاه” خاطر في حالات معينة تنجم تتحصل على استشارتك فورا في نهارك.
نفس الشي اذا كان عندك contrat ولا توكيل ولا عريضة..
● اي خدمة فانونية عنا المختص الي ينفذها في أقصر وقت ممكن مع المحافظة على الجودة أكيد.
↩ مدامك جيتني مدام بش نختصرلك الوقت ونسهلها عليك.
ماكش مطالب بحتى مجهود
● ما تستحقش تخرج من الدار خاطر كل شي يصير بالتاليفون متاعك.
● ما تستحقش تصب فلوس في التاليفون خاطر احنا الي نكلموك.
● ما تستحقش تفهم المصطلحات القانونية المعقدة خاطر فريقي يعتمد في نفس اسلوب التبسيط الي عرفتني بيه
● ما تستحقش اصلا تتفكر الاستشارة خاطر نوفرولك ملخص بعد المكالمة.
● ما تستحقش تكتب الوثائق والمطالب احنا الي نكتبوهم بأقوى صياغة ممكنة.
↩ خلي المجهود كل علينا، انت عليك كان القرارات.
حماية متواصلة (Bonus)
● لمدة 15 يوم بعد الاستشارة بش نكونو موجودين معاك على الـWhatsapp بالميساجات بش نأطروك كان فما اي حاجة جديدة صارت. اعتبرنا خوك الكبير الي ما يخليكش وحدك.
↩ومدامو معاك مدام ما يظلمك حد في الدنيا هذي.
3 خطوات بسيطة
1. تكتب مشكلتك باختصار بش نوفرلك أحسن خبير قانوني في المجال الي تستحقو
2. تكلمك الكاتبة بش تختارو أحسن وقت يساعدك يكلمك فيه الخبير وتختار طريقة الدفع.
3. يكلمك الخبير ويعطيك الي تستحقو كل وتولي رسميا واحد منا! الي يمسك يمسنا.
عاونا برشا ناس كيفك
★★★★★
3awentouni barcha bech 5tart le bon
choix et la bonne décision ❤️🙏
Merci beaucoup pour votre soutien, pour votre réponse et pour votre compréhension🥰🥰 Rabi y3inkom o nchlh dima mn 7asan l a7sanفريال ح.
★★★★★
شكرا على حسن الخدمات الي تقدمو فيها، نحب نقدملكم رسالة شكر على المعلومات الي قدمتوهالي في وقت وجيز و حقيقتا عاونتموني على معلومات ما كنتش نعرفها،
و فرحان برشا الي تعاملت مع ناس شباب في عمري و انشاء الله القادم افضل
شكرا مكتب استشارات لا تقلق
لن نقلق مادمتم معنا 😃صالح م.
★★★★★
السلام عليكم نحب نقول ليك انتي أختي تيماء أولا يعطيك الصحة على رحابة صدرك و وسع بالك و الاستاذ يرحم لميمة إلي جاباتك فهمتني في الوضعية بالباهي بصراحة خدمة محترفة و رتحتنا من التنقل و التعب يعني الانسان الي عندو مشكلة تعطيه الحل و هو في دارو
عموما خدمة ممتازة و ممتازة جدا تبدأ بأول تلفون مع اختنا تيماء و تكمل بحل من عند الاستاذ و تعلق تلفونك و أنت مرتاح البال😍أسماء ع.
عندك أسئلة؟ عندي أجوبة
معلوماتك محينة وجديدة؟
أكيد، بحكم خدمتي الثانية الي هي صناعة المحتوى ديما نلوج على اخر القوانين بش نكون ديما سباق في المعلومات وزيد فريقي من الخبراء كل يوم يتفاقدو المنصات الرسمية كيما الرائد الرسمي للجمهورية التونسية وغيرهم بش ويوفرو اجدد معلومة ويخليوك تستفاد من اي امتياز هبط جديد.
قداش ثمن الاستشارة؟
السبب الي يخليني ما نحطش ثمن الاستشارة في الموقع هو اختلاف الثمن حسب الوضعية.. فما الي تستحق مجهود معين وفما الي تستحق بحث مكثف وفما الي تتطلب برشا موارد. وبش نكونو عادلين مع حرفائنا ما نجموش نحطو ثمن موحد للناس الكل. اما نوعدك الي الثمن بش يكون ديما عادل، لا نخسرك ولا نخسر فريقي ان شاء الله
فما ضمان توفرهولي؟
اي فما، اي معلومة نوفرهالك عندك ضمان مدى الحياة كان تلقى اي غلطة فيها نرجعلك فلوسك دوبل. اي، متأكد من فريقي للدرجة هذيكا.
عندي الحق في برشا استشارات؟
هي استشارة وحدة تصير بالتاليفون اما فما تواصل عبر ميساجات الواتساب. تنجم تعتبرها استشارة تدوم تقريبا 15 يوم. وديما مرحبا بيك.
كيفاش نخلصكم؟
ما تخلصناش، فقط ادعيلنا دعيوة خير
نفدلك معاك، الكاتبة وقت تكلمك تفسرلك طرق الدفع الكل.